Omumyuka womwogezi w’ekibiina kya National Unity Platform (NUP), Alex Waiswa Mufumbiro atabukidde abakalakata Bobi Wine bw’ayanukula ebigambo by’omuyimbi Ronald Mayinja eyeewang’anguse gye buvuddeko.
Mayinja yalaze obweraliikirivu ku nkola ya NUP mu kulwanyisa Pulezidenti Museveni, n’alumiriza nti ewagila okweyisa obubi mu bawagizi b’ekibiina.
Mayinja amanyiddwa olw’ennyimba nga “Tuli Kubunkenke” yakkirizza okukkaanya n’omulimu gwa Bobi Wine ogw’okujja Museveni muntebbe.
Wadde kiri kityo, yavumirira obukodyo obwakozesebwa, n’alaga engeri abamu ku bawagizi ba NUP gye bakozesaamu olulimi oluvuma, enneeyisa etali ya mpisa, okuvvoola, n’empisa embi.
Omuyimbi ono abikudde ekyama nti ye kennyini abadde avumibwa mu ngeri eno, okukkakkana ng’asazeewo okuva mu ggwanga.
Mu kwanukula Mayinja bye yayogedde, Alex Waiswa Mufumbiro teyanyiga bigambo. Yalumirizza omuyimbi ono obutategeera makulu matuufu ag’okunyiiga.
Mufumbiro yakkaatirizza ennaku ey’ekitalo gye bayitamu famire za bannaabwe aba NUP abaafiirwa obulamu bwabwe mu lutalo luno, ng’abamu n’okutuusa kati tebamanyi nkomerero ya bantu baabwe.
Yabuusabuusizza engeri Mayinja gy’akwatamu embeera embi n’ategeeza nti, “Yafudde nga kigambibwa nti baamutulugunya?”
Bw’aba teyakikola, olwo siraba buzibu bwonna. Tamanyi kwetamwa kye ki. Bannaffe baafiirwa abantu baabwe, era abamu ne kati tebamanyi baagalwa baabwe gye bali. Ekizibu kya Mayinja kyokka mutwe gwe. Mulalu, era y’ensonga lwaki yali afuna ebivumo.”
Mayinja yeewuunyisizza bangi bwe yakyusa obwesigwa okuva mu NUP n’adda mu kibiina kya National Resistance Movement (NRM) ng’okulonda kwa bonna okwa 2021 tekunnabaawo. Wabula kino kimulese mu mbeera etali nnungi, nga tewali ludda lumumwesiga mu bujjuvu.
Wakati mu bunkenke buno, NUP efunye okunenya okuva mu njuyi ez’enjawulo olw’ebigambibwa nti ekuuma n’okukuza “abalwanyi ba keyboard” mu kibiina.
Abantu bano ssekinnoomu kirowoozebwa nti be bavunaanyizibwa ku kwenyigira mu kutulugunya abantu ku yintaneeti n’okuvuma abawakanya n’abavumirira. Abavumirira ekibiina kino bagamba nti enneeyisa ng’eyo ekontana n’emisingi gy’okwogera kw’ebyobufuzi okussa ekitiibwa n’okuzimba.
